Sinjalo-ke Isibuko

Ekufikeni kwakho sibuko
Washintsha isizwe,
Sambaxambili,
Kwakhona abajabula benconcoza,
Kwakhona abazinyezayo,
Isizwe safund’ ukuqhathanisa,
Ingxenye yaphendukel’ uMdali,
Imbuza, imgxeka,
Lapho izibona ubunjalo,
Yehluleka ukuzamukela,
Abanye bazishintsha ibala,
Abanye bazishintsha ukubukeka,
Isizwe sahlakazeka,
Awu! Ngiyakwesaba sibuko.